انتو المغتربين عضمكن دهب ..

انتو المغتربين عضمكن دهب0000
لاضيقة عين ولا حسد
ولكن المفروض كونكن مغتربين متغربين يكون عظمكن ذهب
ولا أنا غلطان ...؟

منسمع أنو بتلاقوا الدولار عالطريق والمصاري على قفا مين يشيل

قالوا مابتحملوا آخر أنواع موبايلات من البلاك بيري للنوكيا للسوني لما بعرف شو عرفني من هالأسامي

وسمعت كمان أنو مرتاحين عندكن يومين عطلة ولك شو بدكن أحسن من هيك وبعدكن بتنقوا وبتقولوا الحالة تعبانة

بتركبوا سيارات فخمة آخر موديل فيكن تسَّكنوا فيها عيلة وياريت عاجبتكن هالحالة اللي انتوا معتبرينها شقا وعذاب وتعتير

النسوان ياعيني عالنسوان وقت بروحو عالسوق وال ( شوبينغ ) وتنقي أحلى فساتين وأحلى ثياب

والسهرات والحفلات والطلعات والفوتات والروحة عالمولات وما ناقصكن شي ...

منسمع انو كل شي بيجيكن لعندكن ... بتزمر لتبع البقالة بيجي لعندك وبياخد طلبك ... بتسحب المصاري من ال  وانته قاعد بسيارتك ...

بتطلب الأكل من المطعم وبيوصلك الدليفري لعند باب بيتك ...

فاتورة الكهربا والمي والتلفون بتدفعا عالموبايل بكبسة زر بدون لا توقف طوابير ولا تنطر بالدور ...

ناطور البناية بنضف وبشطف وبيمرق بشيل الزبالة وبيغسل السيارة وانتو مرتاحين من كل هالشغلات

مابتشتروا إلا من أحسن الماركات والموديلات وكله ياباني واوروبي ... مو صيني تقليد ..!

مابتحلالكن الفرجة إلا بالتلفزيونات المسطحة وكل واحد حاطط هاللابتوب وانترنت مفتوح قدامو 24 ساعة وعلى كل شي ...

عندكن الكنتاكي والهارديز والبرجر كنج والماكدونالدز وغيروا من المطاعم الأجنبية ...
وبالاخير بتنزلو كل صيفية على سوريا وكل واحد ناتع اغراض وهدايا ماشاء الله وبتكملوها هون سهرات وعزايم وفوتات وطلعات

يعني مشان الله على شو عم تنقوا .. فهموني على شو ..؟

00000000000000000000000

هههههههههههههههههههههههههههه
هلئ عصفورة
معلوماتك انتي متأكده منها
ترى نحنا الاتنين بالغربة

ههههههههههههه
بس عصفوره قصدك عن الغرب ولا عن الي متغربين عن وطنهن..

زائر

ههههههههههههههههههه
بس بتعرفي عصفورة الغربة متل سيران الكلاب
سوري يعني محشومين يعني
بس كلو غبرة وئلة واجب

لك يلعن ابو الغربة ..
مافي احلى من وطنك تقعد فيه مرتاح ..

منورين غوالي ...